Intérprete, compositor, director, trotamundos… José Fernández Vide conforma unha das figuras máis relevantes dentro do contexto galeguista do século XX e da escena musical galega. Nace na cidade de Ourense o 23 de outubro do ano 1893.Na mesma Ourense pasou a súa infancia cantando no coro da

catedral, compaxinándoo cos seus estudos de harmonía, órgano, piano e violín.Neste ambiente empezará o seu estudo da tradición musical galega, un interese que marcará a súa traxectoria musical posterior.

Nos seus anos como inmigrante en Cuba convértese nun importante compositor para o Centro Galego da Habana. No seu catálogo atopamos zarzuelas en galego como a famosa Miñatos de vran, pero tamén muñeiras, pasodobres e chotis que o levan a ser un dos galegos máis importantes da escena musical cubana.

Vide non queda na súa faceta de compositor e explora o seu lado docente e de director, sempre unido á súa identidade galega. Nestas facetas reflectirase o conflito galego daqueles anos, no que se reflexiona acerca das tradicións e do concepto de identidade galega. Neste dilema Vide será unha figura vital,

contribuíndo á consolidación dunha cultura identitaria e deixando un importante legado da que esta exposición é unha pequena mostra. 
Vide. O trasfegar dun ourensán 2024