O INTÉRPRETE

Fernández Vide formouse como neno de coro na capela musical de Catedral de Ourense tendo como algúns dos seus mestres ao organista Antonio Sacristán, con quen estudou piano, e José Fernández “Xesta”, o seu profesor de violín. Ao longo da súa vida, será intérprete de ambos instrumentos, xa como solista ou como integrante de grupos de cámara que el mesmo organizaba, desenvolvendo a súa actividade en cafés, sociedades de recreo ou teatros.